தல வரலாறு

விருதுநகர் மாவட்டம் சாத்தூர் வட்டம் இருக்கண்குடி என்னும் இவ்வூர் முற்காலபாண்டியர் காலத்தில் (கி.பி.7-9ம் நூற்றாண்டு) வரலாற்றுப் பெருமை மிக்க ஊராகும்.இருப்பைக்குடி என்ற பழம் பெயரே இன்று இருக்கண்குடி என மருவி வழங்குகிறது.இருப்பைக்குடி கிழவன் என்னும் பெயரில் இவ்வூரில் வாழ்ந்த ஓர் தலைவன் இவ்வூரைச் சுற்றிலும் பல குளங்களை வெட்டி பழங்கரைகளை உயர்த்தி கல்பரப்பி வலிமையாக்கி அணைகளாகத் தடுத்து பல நீர்ப்பாசனப் பணிகளைச் செய்துள்ளான்.இத்தகைய சிறப்புப் பெற்ற இவ்வூரில் அர்ச்சுனா நதி மற்றும் வைப்பாறு ஆகிய இரு நதிகளின் இடையே பூ மாலை வடிவில் அமைந்துள்ள தனித்தீவில் அருள்மிகு மாரியம்மன் சிலா ரூபமாக எழுந்தருளி அருள்பாலித்து வருகிறார்.விருதுநகர் மாவட்டம் சாத்தூர் வட்டம் இருக்கண்குடி என்னும் இவ்வூர் முற்காலபாண்டியர் காலத்தில் (கி.பி.7-9ம் நூற்றாண்டு) வரலாற்றுப் பெருமை மிக்க ஊராகும்.இருப்பைக்குடி என்ற பழம் பெயரே இன்று இருக்கண்குடி என மருவி வழங்குகிறது.இருப்பைக்குடி கிழவன் என்னும் பெயரில் இவ்வூரில் வாழ்ந்த ஓர் தலைவன் இவ்வூரைச் சுற்றிலும் பல குளங்களை வெட்டி பழங்கரைகளை உயர்த்தி கல்பரப்பி வலிமையாக்கி அணைகளாகத் தடுத்து பல நீர்ப்பாசனப் பணிகளைச் செய்துள்ளான்.இத்தகைய சிறப்புப் பெற்ற இவ்வூரில் அர்ச்சுனா நதி மற்றும் வைப்பாறு ஆகிய இரு நதிகளின் இடையே பூ மாலை வடிவில் அமைந்துள்ள தனித்தீவில் அருள்மிகு மாரியம்மன் சிலா ரூபமாக எழுந்தருளி அருள்பாலித்து வருகிறார்.Read more

தல பெருமை

சுமார் 450 ஆண்டுகளுக்கு முன்பாக தென் தமிழ் நாட்டில் மேற்குத் தொடர்ச்சி மலையின் ஒரு பகுதியாகிய சதுரகிரி மகாலிங்கம் மலையில் சிவயோக ஞானசித்தர் என்ற தவயோகி கடும் தவம் மேற்கொண்டு, அன்னை பராசக்தியிடம் தான் யோக நிஷ்டையாகும் (ஐக்கியம்) இடத்தில் அன்னை பராசக்தி சிவசொரூபியாக பீடமிட்டு அமர்ந்து அருள் பாலிக்க வேண்டும் என்ற அரிய வரம் பெற்றார். நதிகள் சங்கமிக்கும் புண்ணிய பூமியில் ஐக்கியமாக வேண்டும் என்ற அன்னை பராசக்தியின் வார்த்தைகளை ஏற்று அங்கிருந்து நதிகள் சங்கமம் ஆகின்ற இத்திருத்தலத்தைத் தேர்வு செய்து இவ்விடத்திலேயே தன்னை ஐக்கியப்படுத்திக் கொண்டார். இந்நிலையில் நாடெங்கும் ஊழிப்பிரளயம் ஏற்பட்டு காட்டாற்று வெள்ளத்தால் நாட்டின் பல கிராமங்கள் அழிந்தன. அந்தப் பெரு வெள்ளத்தில் ...சுமார் 450 ஆண்டுகளுக்கு முன்பாக தென் தமிழ் நாட்டில் மேற்குத் தொடர்ச்சி மலையின் ஒரு பகுதியாகிய சதுரகிரி மகாலிங்கம் மலையில் சிவயோக ஞானசித்தர் என்ற தவயோகி கடும் தவம் மேற்கொண்டு, அன்னை பராசக்தியிடம் தான் யோக நிஷ்டையாகும் (ஐக்கியம்) இடத்தில் அன்னை பராசக்தி சிவசொரூபியாக பீடமிட்டு அமர்ந்து அருள் பாலிக்க வேண்டும் என்ற அரிய வரம் பெற்றார். நதிகள் சங்கமிக்கும் புண்ணிய பூமியில் ஐக்கியமாக வேண்டும் என்ற அன்னை பராசக்தியின் வார்த்தைகளை ஏற்று அங்கிருந்து நதிகள் சங்கமம் ஆகின்ற இத்திருத்தலத்தைத் தேர்வு செய்து இவ்விடத்திலேயே தன்னை ஐக்கியப்படுத்திக் கொண்டார். இந்நிலையில் நாடெங்கும் ஊழிப்பிரளயம் ஏற்பட்டு காட்டாற்று வெள்ளத்தால் நாட்டின் பல கிராமங்கள் அழிந்தன. அந்தப் பெரு வெள்ளத்தில் மிதந்து வந்த அன்னை பராசக்தியின் திருவுருவச்சிலை, சித்தர் ஐக்கியமாகிய இவ்விடத்தை அடைந்ததும் வெள்ளத்திலிருந்து விடுபட்டுச் சுழலெடுத்து பூமிக்குள் புதைந்து கொண்டது. அர்ச்சுனா நதியின் கரையிலிருக்கும் இருக்கண்குடி கிராமப் பெண்கள் வழக்கம் போல் சாணம் சேகரித்துவிட்டு, சாணக்கூடையை தலைக்குத் தூக்க முயற்சிக்கும் போது, இத்திருக்கோயிலின் தற்போதைய பரம்பரை அறங்காவலர்கள் / பூசாரிகளின் குடும்பத்தைச் சார்ந்த மூதாதையராகிய இராமசாமி பிள்ளை என்பவரின் மனைவி பரிபூரணத்தம்மாள் என்ற பெண்ணின் சாணக்கூடையை மட்டும் தரையிலிருந்து எடுக்க முடியவில்லை. சாணத்தையெல்லாம் பரிபூரணத்தம்மாள் அகற்றிய பிறகும் கூடையை எடுக்க முடியவில்லை. அனைவரும் அதிர்ச்சியோடு நிற்க அந்தப் பெண்ணுக்கு அருள் வந்து அன்னை பூமிக்குள் புதைந்திருக்கும் வரலாற்றைச் சொல்லி, நான் மாரியம்மா, என்னைத் தோண்டியெடுத்து வழிபட்டு வந்தால் கைவிடாமல் காப்பாற்றுவேன் என்று கூறி வலக்கை கொடுத்ததும், புதையுண்டிருந்த அம்மனை எடுத்து பிரதிஷ்டை செய்து வழிபட்டனர். எங்கும் நிறைந்த பரம்பொருளாய் பெருஞ்சுடராய் தம்மை வழிபடும் பக்தர்கட்கு தக்கவரம் தந்து, தன் நிலையில் வைத்துப் பாதுகாக்கும் தன்னிகரில்லாத தாய் தான் இவ்வாலயத்தில் அருள்பாலிக்கும் இருக்கண்குடி அருள்மிகு மாரியம்மன்.. அன்னை பராசக்தியின் அருள்வாக்கு பலித்ததாலும், அன்னையின் மகிமையாலும் நாடி வந்தவர்களுக்கெல்லாம் நல்ல பலன் கிடைத்ததாலும், வரம் வேண்டியும் வாழ்வு வேண்டியும் வருகின்ற மக்களுக்கெல்லாம் பரிபூரண நிம்மதியும், நிறைவும் கிடைப்பதாலும், இருக்கண்குடி அருள்மிகு மாரியம்மனுக்கு கோயில் எழுப்பி குடமுழுக்குவிழா நடத்தப்பட்டது. அதைத் தொடர்ந்து ஆண்டுதோறும் ஆடி தை, பங்குனி மாதங்களில் திருவிழாக்கள் நடைபெற்று வருகின்றன.Read more